Je vous vens la violete.
—De joye mon cuer volete,
Quant je voy vostre doulz vis
Sur tous bel a mon avis.
40
Je vous vens le blanc corbel.
—Vostre gracieux corps bel
Et vostre ris savoureux
Fait mon cuer estre amoureux.
41
Je vous vens l'aloue volant.
—De bien amer n'avez talent;
Mais vous savez bien decevoir,
Pluseurs ne l'ont pas assavoir.
42
Je vous vens le dyamant.
—Sachiez que j'ay bel amant,
N'il n'est homme soubz les cieulx
A mon gré plus gracieux.