Paix ou tresves, je requier desplaisance;
S'en toy ne tient, pas ne tendra à moy,
Que ne soyons desormais en requoy;
Accordons nous, chargons en Esperance.
Que gaignes tu à me faire grevence?
Assez me metz en devoir sur ma foy.
Paix ou tresves, etc.
S'en toy ne tient, etc.
Ou combatons tellement à oultrance
Que l'un die: Je me rens ou ren toy;
Mieulx estre mort je vueil, s'estre le doy,
Qu'ainsi languir, d'offrir premier m'avance.
Paix ou tresves, etc.