Levez ces cuevrechiefz plus hault
Qui trop cuevrent ces beaulx visaiges;
De riens ne servent telz umbraiges,
Quant il ne fait hale, ne chault.
On fait à beaulté qui tant vault,
De la musser, tort et oultraiges:
Levez ces, etc.
Qui trop, etc.
Je scay bien qu'à Dangier n'en chault,
Et pense qu'il ait donné gaiges,
Pour entretenir telz usaiges;
Mais l'ordonnance rompre fault.
Levez ces, etc.