Poetósfera › La Biblioteca › Christine de Pizan
Christine de Pizan · Medieval
francés
Puis que vous vous en alez,
Je ne vous sçay plus que dire,
M'amour, mais en grief martire
Me tendrez, se vous voulez.
Ne sçay se vous en doulez;
Mais nul mal n'est du mien pire
Puis que vous vous en alez.
Baisiez moy et m'acolez,
Pour Dieu, vueilliez moy rescripre,
Et du mal soiez le mire,
Dont le mien cuer affolez
Puis que vous vous en alez.
← Balades d'estrange façon — VIBalades d'estrange façon — XI →
ws-fr-balades-d-estrange-facon-viii--christine-de-pizan-edc00aLas obras de dominio público se reproducen íntegras, con atribución y en la ortografía de su impreso. ¿Ves una errata o conoces una fuente mejor? Escríbenos desde Sobre la casa.