Aissi con hom tra l’estam
as envers, q’era adreich,
e si cum meno.l carreich
li bou, qant trao.1 legnam,
un nou sirventes ailluc
de mon Comunal astruc,
qui chaschus torna en desdeing
e destorz son entresseing.
Ia no.ill cal gardar cho clam
per si ni per son arneich,
ni per bon astre qe.il veich
ni pel sien corren volam,
pel ioglareiar faduc,
ni per las canas del suc,
ni per las cordas del seing
qui son el sieu col susteing.