Littoraque Epiri legimus, portuque subimus
Chaonio, et celsam Buthroti ascendimus Urbem———
Solemnes cum fortè dapes, & tristia dona
Libabat cineri Andromache, Manesque vocabat
Hectoreum ad tumulum, viridi quem cespite inanem,
Et geminas, causam lacrymis, sacraverat Aras———
Dejecit vultum, et demissâ voce locuta est:
O Felix una ante alias Priameia Virgo,
Hostilem ad tumulum, Trojæ sub mœnibus altis
Jussa mori! quæ sortitus non pertulit ullos,
Nec victoris heri tetigit captiva cubile.
Nos patriâ incensâ, diversa per æquora vectæ,
Stirpis Achilleæ fastus, Juvenumque superbum,
Servitio enixæ tulimus, qui deinde secutus
Ledæam Hermionem, Lacedæmoniosque hymenæos———
Ast ilium ereptæ magno inflammatus amore
Conjugis, & scelerum furiis, agitatus Orestes
Excipit incautum patriasque obtruncat ad Aras.
.mw-parser-output .wst-normal-body{font-style:normal}.mw-parser-output .wst-normal-body i,.mw-parser-output .wst-normal-body var,.mw-parser-output .wst-normal-body em,.mw-parser-output .wst-normal-body cite,.mw-parser-output .wst-normal-body dfn{font-style:italic}.mw-parser-output .wst-italic-body .wst-normal-body{font-style:normal}Virg. Æn. Lib. iii.