Sum deofol-gild ƿæs sƿiðe-fæste getimbrod · 1229
⁊ mid ƿundor-licū ƿeorc-stanū ge-ƿorht cræftlice ·
⁊ þær manega ge-broðra bogodan syþþan
on martines timan · þa bead he anū mæsse-preoste
marcellus ge-haten þe þær ƿununge hæfde
þæt he sceolde to-ƿurpan þæt ƿundorlice deofol-gild ·
Eft þa se halga ƿer cō · ⁊ þæt ƿeorc stod gehál · 1235
þa cidde he þā mæsse-preoste · ⁊ he him cƿ̅ to ⁊sƿare
þæt naht eaðe ne mihte ænig camplic meniu
sƿilc ƿeorc to-brecan mid sƿa ƿundor-licū hefe ·
þe ne sceoldon preostas þe ƿæron un-strange ·
oððe untrume munecas · sƿa mycel ƿeorc to-brecan ·
Þa ge-ƿende martinus to his geƿunelicum fultume · 1241
⁊ ƿacode ealle þa niht on his gebedū ana ·
⁊ sona þæs on mergen · ƿearð sƿa micel storm ·
þæt eall þæt ormæte ƿeorc ƿearð toƿend grund-lunga ·