On treueris ƿæs sum mæden sƿiðlice ge-untrumod 0487
licgende on paralisin · oððæt [sic @ Skeat] hire lima ealle
ƿurdon adeadode · ⁊ heo unƿene læg ·
Þa ƿearþ ge-cydd þam fæder þæt martin᷒ come þa 0490
into þære byrig · ⁊ he arn to þam halgan ·
⁊ ge-sohte his fét mid sƿyðlicum ƿope
biddende þone bisceop þæt he hi bletsode ·
ic ge-lyfe he cƿ̅ · þæt heo libbe þurh þe ·
Martinus þa cƿ̅ · þæt hit his mihta næron 0495
to sƿilcere dæde · ac se fæder ne ge-sƿác
hine to biddenne mid ƿope oþþæt þa oþre bisceopas
þe mid martine ƿæron gemacodon þæt he eode
to þā licgendan | mædene · ⁊ ormæte meniu
þær-ute and-bidode hƿæt se bisceop don ƿolde ·
Þa astrehte martin᷒ to moldan his lima · 0501
⁊ gehalgode siððan sumne dǽl eles
⁊ dyde on þæs mædenes muð · ⁊ heo mihte þa spræcan ·
⁊ ealle hire lima endemes cucodon ·
⁊ heo ða hál arás þam folce onlocigendum