So, Davie, you 're gaeing to tak yo' a wife
To halve a' yo' sorrows, an' sweeten yo' life;
An' Davie, my laddie, I wish you enow
Of joy and content on your shiny auld pow.
She 's feat and she 's brightsome, I ken, as the day
When sinshine is whispering its luve to the May;
Her cheeks are like blossoms, her mouth is a rose,
And her teeth are the pearlies its petals enclose.
Of her voice, her ain music, I dinna' say mair,
Than that 'tis a strain might a bogle ensnare,
And her een they are stars beaming forth a bright flame
To cheer a puir wanderer and lead him safe hame.
Yes, Davie, ye villain, ye 're sleekit and slee,
Ye 've lift the door sneck and looped in afore me;
Ye 've steek it ahint ye and lea'ed me alain,
Like a dowie auld cat blinkin' by the hearth-stane.
Yet Davie, belyve, should you mind in your joy
The puir lonely carlies you lo'ed as a boy,
The memories of canty auld days we have spent
Will come like the harp-tones o'er still waters sent.
Then come to me, Davie, auld days we 'll renew;
We 'll heap the bit-ingle and bouse the auld brew;
We 'll smoke the auld pipe, till we freshen your life,
And send you back young as a boy to your wife.