Zwelf ſchacher zeines túrſen hus ī einem walde kamē·
der frâs er einlif ſvnder wer die ſchiere ein ende namē·
ſit begvnder râmē· daſſe alle wurdē gar v̾zert·
do w̾te ſich d̾ zwelfte vn̄ wolte alſam ein helt gebaren·
do ſpꝛach d̾ túrſe dv enmaht nv keiner wer gevarē·
do din zwelfe warē· do ſolteſt dv dich han gewert·
dem gelichet ein geſlehte dc ein h̾re ſtoͤꝛen wil·
dc enlaſſe ſich niht vil· beſvnder vnderzvken·
es wer ſich mit ein ander ſin ſwēne ers begīne dꝛvken·
wil es ſich einzelingē vnd̾ ſine fuͤſſe ſmvken·
ſo wirt es in ſtvken zeivngeſt gar vō im v̾hert·