Wol dir meie wol dir wunne·
du froͤist aber dú vogellin·
we im der dir leides gvnne·
vnd mit valsche gedenke din·
nît vnd has· ist vngenême·
der mv̊s mir sin wderzeme·
frowen grůs mir tête bas·
Nvst bekleidet wol dú heide·
liehter varwe wunneklich·
walt vnd ǒwe grůnent beide·
meije dú bist froͤiderich·
swer nv wil die zit vertriben·
der sol dienen werden wiben·
wibes lon git froͤiden vil·
Wil dú minnekliche reine·
so froͤit sich min sender lib·
vnd wirt trvren von mir kleine·
troͤstet mich si selig wib·
al min not· vnd mine swere·
swindet wil dú lobebere·
vnd ir svͤsses mv́ndel rot·