Wie ſol ich ſelig wib·
dē lútē nu gebarē·
dc ich muge ir nach rede geſtillē·
ſit dc in ſin noch lip·
niht kan geliche varē·
dc ir doch viere heten einē willē·
niemā ſiht·
geliches iht·
in allē richē·
vint mā niht zwei gelichē·
Er wer ein ſelig man·
d̾ dc kvnde betútē·
was iegliches mēſchē h̾zē mīne·
des ich leid̾ niht kan·
wā vz d̾ w̾lte lúte
vīdet mā niht zwene mit gelichē ſinne·
zweī ein man·
niht dienē kan·
niemā in allē·
mag eben wol gevallē·
Wie ſol ich dāne lebē·
dc ich mine zuht niht ſtoͤꝛe
vn̄ doch die meiſtē volge nih vſpete·
dē rat ſult ir mir gebē·
wā ich dc dike hoͤꝛe·
ſw̾ ſelbe enkan d̾ ſv̊che wiſe rete·
wiſer rat·
vil volge hat·
ſwer volget wiſē·
d̾ mv̊s mit erē griſen·
Wiſheit iſt mir ze ſnel·
doch hoͤꝛe ich wiſe ſpꝛechē·
dc gvͤtlich offen grůs ziere die vꝛowē·
demv̊t iſt lobes hel·
ir trwe ſol niht bꝛechē·
ſú ſon ſich zúhteklichē lâſſen ſchowē·
ſwach̾ rat
ze vinſt̾ gat·
tvgēt ſol gleſtē
dē frúndē vn̄ dē geſtē·
Swel wib die ſinne treit·
die valſch niht 112v hat gemeilet·
dú wirt geṕſet nach d̾ wiſē lere·
ſwa ſich beſcheidenheit·
in wibes h̾zē geilet·
dú zweiet vn̄ frúhtet ſelde vn̄ ere·
lut̾ mv̊t·
iſt wibē gůt·
ſcham iſt ein krone·
dú zieret frowē ſchone·