Wie ſol ich richē edelen ſchalk mit valſchē mv̊t erweſchē·
vō kvpfer ſcheidet mā das golt mit eines vnkes æſchen·
hei dc miner taſchē vil nah ein puluer nie gelag·
da mit ich gvldin adel ſchiede vſ kupferinē willē·
we dc ein iderſlange mag dvr h̾ten cokodꝛillē·
vn̄ dc niht gebillē· min zvnge ī arge ſīne mag·
ſwas ich ſinge ald̾ ich geſage d̾ valſchē richē edelen ſchar·
des nimet ſi zekleine war· ir mv̊t alſo v̾einet·
an trúwē vn̄ an erē iſt dc ſi niht tvgēde meinet·
in koꝛne wart ein kv́ndig wahtel nie ſo ſanfte erbeinet·
als ir h̾ze erſteinet· ī ſchandē iſt naht vn̄ tag·