Wer kan nv zedanke ſingē·
d̾ iſt trurig d̾ iſt vꝛo·
wêr kan das zeſamne bꝛīgē·
d̾ iſt trurig d̾ iſt ſo·
ſi v̾ierren mih
vn̄ v̾ſinnēt ſich·
weſ ich wc ſi woltē dc ſvnge ich·
Froͤide vn̄ ſoꝛge erkēne ich beide·
da vō ſinge ich ſwc ich ſol·
mir iſt liebe mir iſt leide·
ſvm̾ wūne tůt mir wol·
ſwc ich leides han
dc tůt zwiuel wā·
wie es mir vmb die liebē ſol ergan·
Wol iv kleinē vogellīen
úwer mīneklicher ſang·
der v̾ſchallet gar dē minē·
al dú w̾lt dú ſeit iv dank·
alſo dāken ir·