Wer geſach ie beſſer iar·
wer geſach ie ſchoner wîp·
das entroͤſtet nit ein har·
einē vnſeligen lîp·
wiſſet ſwem der anegenget an dem moꝛgen frů·
dem get v̄glúke zů·
Swa ſo liep bi liebe lit·
gar an alle ſoꝛge vꝛi·
merket ob des winters zit·
den zwein wol geſezzet ſi·
was han ich geſpꝛochen we da ſolt ich han geſwigen·
ſol ich iemer ſo geligen·
Ich wil einer helfen clagen·
der ǒch froͤide zême wol·
dazs in alſo valſchen tagen·
144r ſchone tugent verlieſen ſol·
hie bevoꝛ wer ein lant gefroͤiwet vmbe ein ſo ſchône wip·
was ſol der nv ſchoͤner lip·