Was hat mich dú liebe zit veruangen

Was hat mich dú liebe zit veruangen·
dc der svmer so schoͤne wc·
der ist ane froͤide mir zergangen·
owe blůmen vnd gras·
wenne wiltu troͤsten mich·
vnd ein wib nah der mich mv̊z erlangen·
owe wie dc lenget sich·

Von ir ǒgen vliegent strale sere·
mitten in das herze min·
swelhes endes ich der werlte kere·
sol dc iemer also sin·
so were ich zetode wunt·
alle meister geheilent niemer mere
mich es tůt ir roter mvnt·