Wan sol sin gedvltic wider vngedvlt·
dc ist den schamelosen leit·
swen die boͤsen hassent ane sine schult·
dc kvmt 136r von siner frúndekeit·
troͤstet mich dú gůte alleine·
dú mich wol getroͤsten mag so gebe ich vmbe ir niden kleine·
Ich wil al der werlde swern vmb ir lip·
den eit sol si wol vernemen·
si mir ieman lieber maget oder wib·
dú helle mvͤsse mir gezemen·
hat si nv dekeine trúwe·
so getruwet si dem eide vnd entstet mins herzen rúwe·