Wan singet minne wise da zehove vnd inme schalle·
so ist mir so not nach alter wat· dc ich niht von vrowen singe·
mir weren vier kappen lieber danne ein krenzelin·
mir geb ein herre lihter sinen meiden vzem stalle·
danne ob ich als ein weher fleming· vúr die frowen drvnge·
ich wil bi dem wirte vnd bi dem ingesinde sin·
ich verlúse des wirtes hulde niht bit ich in siner kleider·
so wer ime vmb ein vbriges húbschen michel leider·
git mir ein herre sin gewant dú ere ist vnser beider·
slahen vf die minne senger die man rvnen siht·