Walt hat sich mit kleiden schoͤne gestetet·
er hat vf gesezzet mangen stolzen kranz·
hi wien dem dv́ heide wider gegestet·
dv́ hat angeleit r schoͤne wnder swanz·
da bi hort man dc gefúgel vf schellen·
sam sú harpfen wellen·
da zevelde ist wilde froͤide rehte ganz·
Ich mag wol von wilden froͤiden singen·
leider mir wil alle froͤide wilde sin·
vogel sang kan mir nit froͤide bringen·
mich froͤit weder lǒp noch gras noch blůmen schin·
schellich has in walde vnd vf gevilde·
wart nie gar so wilde·
als min froͤide ist ǒwe liep dv́ schvlde ist din·
Trut nv kvppelst· alle mine sinne·
liep nv ist dir doch bendic aller min gedanke·
tů mir froͤide bendic trutarinne·
dar zů hort nit kvpel wan din ermel blank·
trutes trut min liebes liep ein ende·
mir zimt kein gebende·
ganze froͤide wan din werder vmbevang·