Wafena wie hat mich mīne gelaſſē·
dú mich betwanc dc ich lie min gemvͤte·
an ſolhen wan der mich wol mac v̾waſſen·
es enſi dc ich genieſſe ir guͤte·
vō der ich bin·
alſo dike ane ſin·
mich dvhte ein gewin vn̄ wolte dú gv̊te·
wiſſen die not dú wont in minem mv̊te·
Wafena wc habe ich getan ſo ze vnerē·
dc mir dú gv̊te ir grůſſes niht engvnde·
ſvs kan ſi mir wol dc h̾ze v̾kerē·
dc ich in der w̾lte beſſer wib iend̾ funde·
ſeht deſt min wan·
da fúr ſo wil ichs han·
vn̄ wil dienen mit trúwen der gv̊ten·
dú mich da blúwet vil ſere ane růten·