Wa wil dv́ kvgel nv geligen·
stvm al vmb es si verswigen·
verbotten sprechen vnd murmerrieren·
si runet beide dirre vnd der·
si rassent hin si rassent her·
man siht sú beide zwingen vnd zwieren·
wer sol v́ns den trǒn erschinen·
her ob si den kv́nig iht meinen
ia si schilhent alle dar·
man siht ir vil schantlachen vnderstvnden·
vnd den wolfes zan enpleken·
tvmbe lúte in sorge steken·
lassa brúwen also dar·
es wissen wol die froͤmden vnd die kvnden·
her kv́nig nemt v́wer selbes war·