Wa gesan ie mannes ǒgen·
ie zwei wengel bas gestan·
lýlien wis gar ane lǒgen·
wunneklichen wol getan·
si treit lanc gel varwes har·
were dc riche min vnd ir·
des engvnde ich nieman bas fúr war·
Ein kvs von miner frowen mvnde·
brennet sanfter danne ein glv̊t·
swem si des mit willen gvnde·
der wer iemer hohgemv̊t·
helfent alle wúnschen des·
dc ir kv́ssen werde mir·
so wúnsche ich aber eteswes·