Vrlob hat des ſvmers bꝛehen·
der wol wc ze růmen·
ſwc mir leides iſt geſchehē·
ſit ich den erſten blv̊men·
vnder einer grůnen lindē flaht·
der wint̾ vn̄ ſin langú naht·
die ergetzēt vns der beſtē zit·
ſwa man bi liebe lange lit·
Wir han die winter langen naht·
mit froͤidē wol enpfangen·
ich vn̄ ein ritter wol geſlaht·
ſin wille der iſt ergangen·
als wirs nv beide han gedaht·
ſo hat ers an ein ende bꝛaht·
mit manig̾ froͤide vn̄ liebes vil·
er iſt als in min h̾ze wil·
Jch ſolde zúrnē hvlfe es îet·
dc dv als lange w̾e·
do ich aller neheſt vō dir ſchiet·
ſit hat ich grôſſe ſw̾e·
betwungē was dc herze min·
nv wil es aber mit froͤidē ſin·
habe ich dich g̾ne niht geſehē
ſo mv̊ſe leide mir geſchehen·