Vorhte vnd schamendes herzen ger·
fúr manige tvgende ich kroͤne·
si bringent beide riche loͤne·
swem si rehte kvnt·
worden sint bis vf des den grunt·
der mag wol heissen lobesam·
dú scham verhenget niht dc er·
mit schanden sich gehoͤne·
so machet in vor sv̊nden schoͤne·
vorhte zaller stvnt·
dirre zweier tvgende fvnt·
ist aller missewende gram·
swer bi grôssem meine·
kleine· fúrhtet gotes zorn·
vnd die schame hat verkorn·
so schande in wil verwunden·
der wirt an eren blos hie fvnden·
vnd ist dort verlorn·
we dc er ie wart geborn·
der vorhte midet vnd scham·