Uns kvmt aber ein liehter meie·
der machet manig herze frůt·
er bringet blv̊men manger leýe·
wer gesach ie svͤsser bluͤt·
vogelin doͤne sint manigvalt·
wol gelǒbet stet der walt·
des wirt vil trurig herze balt·
Ich wil nah ir hulde ringen·
alle mine lebenden tage·
sol mir niht an ir gelingen·
seht so stirbe ich sender klage·
si en troͤste mich zestunt·
ir durlúhtig roter mvnt·
hat mich vf den tot verwunt·