Swer sich also vnderwindet·
mv̊tes vnd dienstes nah minne·
so dc er genade vindet·
dc heiz ich gv̊te sinne·
der sinne mir gebrast·
do ich michan si wande·
si wc dú schonste von dem lande·
ǒch wenne ih dc si gvͤte erkande·
leider dú ist ir ein gast·
Owe wc wirdet min·
vnd wie sol ich gebaren·
sol ich ane froͤide sin·
in minen besten iaren·
so wird ich iemerlichen alt·
min stete tv̊t mir den pin·
des wolte ich ane sin·
es ist der meiste kvmber min·
dc ich des engilte des nîe man engalt·