Svmer diner kvnft froͤit ſich dú heide·
ſvnd̾bar·
ſwer dē wint̾ trurig wc vn̄ ǒch ich·
gegē d̾ wūneklichē ǒgenweide·
nemt ſin war·
d̾ walt hat vō lǒbe ein dach vber ſich·
da dv́ kleinē vogelin vnd̾ ſv̊ze ſingēt·
dú vil manigē h̾zen froͤide bꝛingēt·
h̾ze min weſ troͤſt dú dich·
ſit dú gv̊te iſt froͤidērich·
alſo ſpꝛich·
Swie d̾ meie verwet ſine bluͤmel·
roſen rot·
viol liljen purper var gel bꝛv̄ bla·
noch bas gevallet mir min mīne mvͤmel·
es enbot
mir ſin nein do ich im ſeite vmbe ein ia·
alſvs hilfet mich gegē ir min langes kriegē·
ſi giht dc die man wol kvnnē triegē·
frage ich frowe ſpꝛechēt wa·
ſi giht hie doꝛt vn̄ da·
mīne la·
Sol vnmīne frúndeſ mīne heiſſē·
mīne ſpꝛich·
wie zimt diner frowē dc vn̄ ǒch dir·
wan ſol gv̊tē frúnt niht lange reiſſē·
wil ſi mich·
dc ende in d̾ zit ich mv́ge vn̄ gir·
ia fúrhte ich d̾ blvͤte· ſwāne es ſere rifet·
wc ob ſi ein and̾n mv̊t ergrifet·
des ich an ir gerne enbir·
ſvs bin ich ir dieneſt zwir·
wirt ſi mir·