So wo mich liebes des ich han (Mit aufgelösten Abbreviaturen)

So wo mich liebes des ich han·
vmbevangen hohe stat min mv̊t·
ich wenne nie dú werlt gewan·
ein schoͤne wib so rehte gv̊t·
man sol si loben deste bas·
der vns alle werden hies wie lútzel der an ir vergas·
tvgende hat si michels me danne ich gesagen kvnne·
si ist leides ende vnd liebes trost vnd aller froͤide ein wunne·