SJ treit krus har criſp vn̄ gel·
ſi treit ein vnu̾twelten lip·
ſi treit eine ſne wiſſe kel·
al dú w̾lt hat niht ſchoner wib·
mir were ie lieb bi ir ze ſinde
dāne bi gote in paradiſe·
got herre machent mich ir mīne wis·
Dú ſv̄ne ſchinet nie ſo clar·
min lieb dannoch ſchoner bc·
ir ǒgen ſtent vil offenbar·
got an ir nie niht v̾gas·
in neme niht die krone vō rome
zetragenne fúr miner frowen lip·
ſo rehte wol behaget mir dc wib·