Seht wa meije mit vil wúnne (Mit aufgelösten Abbreviaturen)

Seht wa meije mit vil wúnne·
kleidet anger vnd velt·
fro ist maniges herzen kúnne·
da git froͤide wider gelt·
meie der hat svͤsse vil·
min gemvͤte· bas ir guͤte·
troͤstet so si liebe wil·

Je vnd iemer gar mit trúwen·
was ich stete vnd wil ǒch iemer sin·
dc ensol mich niht gerúwen·
swie si giht dú vrowe min·
dc ich minne ein ander wib·
kúniginne· swc ich sinne·
han die minnent dinen lib·