Nv enbeis ich doch deſ trankes nie·
da vō triſtan in kvmber kan·
noch h̾zeklicher mīne ſie·
dāne er v̾ſalden dc iſt min wan·
dc habent dú ǒgen min getan·
dc leite mich dc ich gie·
da mich dú mīne alrerſt vie·
der ich deheine mâſſe han·
ſo kvmberliche gelebte ich noch nie·
Es iſt ein wund̾ dc ich niht v̾zage·
ſo lange ich vngetroͤſtet bin·
als ich ir minē kvmber klage·
dc gat ir leider lútzel in·
dc hat mir mine froͤide hin·
doch flîſſe ich mich alle tage·
dc ich ir ein ſtetes h̾ze trage·
nv wiſe mich got an ſolhen ſin·
dc ich noch getů dc ir behage·
Swer nv deheine froͤide habe·
d̾ vingerzeigē mv̊s ich ſin·
ſwes h̾ze in gv̊ten gebiten ſtat·
die ſelben foꝛhte die ſint min·
dc ſi mir tůn ir nidē ſchī·
doch ſinge ich ſwies darvmbe ergat·
vn̄ klage dc mich truren lat·
h̾ze die ſchulde w̾en din·
dv gebe mir ane ſi den rat·