Nieman ist ane bresten gar·
da von der niht erschreke·
bi dem gefuͤger wandel steke·
swer dar vmbe wil·
miden hoher eren vil·
dc im gelit ein laster obe·
der ist bescheidenheite bar·
twing in ein wandels fleke·
so rame er zv̊ der tvgende zweke·
triffet er dc zil·
mit der sinne kvgelspil·
so brichet siner schande klobe·
nieman sol von eren·
keren· als ein boͤser zage·
dvrh dc vf in sine tage·
ein wandel si gevallen·
er tv̊ dc beste ob er niht allen·
lúten wol behage·
so begnvͤge in ob er trage·
den pris dc in dú menigi lobe·