Mit dienste man iezvnt harte kvme gv̊t erwirbet·
nv merkent alle wa von dienest vil verdirbet·
dv dien ivngen der vergisset dien alten der erstirbet·
ia herre got wer kan der rehten mittel varen·
das er also gediene das sin dienest iht si verlorn·
swer selbe iht hat· das ist gv̊t weis got für den zorn·
die herren kvnnen gegen ir diener schalkelich gebaren·
swer sich dvr sinen herren svmet iemer tag·
das er sin selbes ding nit schaffet ob er mag·
der effet sich es ist nit als do man trúwen phlag·