Mir ſint die ſinne wunt·
vn̄ ſiech geweſen vō vil bandē·
dc iſt in rehte kunt·
ſit ſie ein frowē erſt bekandē·
der keiſˢ iſt in allē landē·
kuſter ſi zeiner ſtunt·
an ir vil roten mvnt·
er hete ſin iemer frome ze ſinen handen·
Sit ich dc h̾ze han·
v̾laſſen an der beſten eine·
des ſol ich lon enpfan·
vō der ſelben die ich da meine·
ſwie ſeltē ichs ir beſcheine·
ſo bin ich es doch der man·
der ir bas helles gan·
danne in d̾ w̾lte lebe deheine·
Wer moͤhte mir den mv̊t·
getroͤſtē ane ein ſchoͤne frowē·
dú minem h̾zen tůt·
leit dú niemā kan beſchowē·
dur not ſo lide ich den rúwen·
wan es ſich ze hohe lůt·
wirt mir dú mīne vngůt·
ſo ſol ir niem̾ man volle trúwen·