Mir iſt vō ir geſchehen·
dc ich diſē ſvm̾ allē meidē mv̊s·
vaſte vnd̾ dv́ ǒgē ſehē·
lihte wirt mir einú ſo iſt mir ſoꝛgē bv̊z·
wc ob ſi get an diſem tāze·
frowe dvr úw̾ gvͤte ruket vf die huͤte·
owe geſehe ichs vnder kranze·
Mich dvhte dc mir ie·
lieb̾ wurde dāne mir zemv̊te wc·
die blv̊mē vieln ie· vō dē bǒme
bi vns nid̾ an dc gras·
ſeht do mv̊ſte ich vō vꝛoͤidē lachē·
do ich ſo wūnekliche· wc ī trǒme riche·
do taget es vn̄ mv̊z ich wachen·