Lob ich nv des meien gvͤte·
der vns manige froͤide git wc troͤste dc·
ob ich in dien rosen wuͤte·
an den gúrtel min die tǒwes weren nas·
sost min mv̊t
doch zefroͤiden kleine·
mich entroͤste ein wib alleine·
sost min trost zelibe noh zelebenne gv̊t·
Lieb vor allen liebe ein wunne·
liebe mir die werlt vnd ǒch min selbes leben·
schǒwe ob ich iht gelten kvnne·
ich wil al der werlte froͤide dur dich geben·
lieb hat
dike leides ende·
mines herzen trost nv wende·
dc des lieben mir mit leide iht werde rat·
Ich wil dir mit trúwen singen·
ane triegen mine besten zit·
frowe laze an dir gelingen·
mir ist anders trost vnd alle froͤide lît·
gvͤtú wib·
wúnschent al gemeine·
dc dú guͤte mir alleine·
werde so gefroͤwe ich maniges herzen lib·
Ob ich vngesvngen swenden·
minú iar 163v mit truren ane hohen můt·
wc mag ich da mit verenden·
niht wan dc es den froͤidelosen sanfte tůt·
ich wil sin·
fro mit vngerete·
vnd an einem wibe stete·
swie si wende di mir die besten vroͤide min·