Kvmt er der mir da komē ſol·
der mir bi dē hohſten eide·
lobt er keme mir·
ſo wirt mir ſendē wibe wol·
blv̊mē vn̄ grvͤner heide·
ſanfte ichWS der enbir·
ſo we dir arge hv̊te·
daſt vnſelig ſiſt·
dvr dc dv ſtetē mv̊te·
ſo vil leides giſt·
dc iſt miner froͤide ein ſlag·
waht̾ ſo dv welles ſingē ſo ſinge es ſi tag·
Do dú vil reine frowe gv̊t·
klagte ir ſo klagelichē·
ſchiere wart ſi vꝛo·
vn̄ wart gerīget ir d̾ mv̊t·
ſi gieng ze dē waht̾ tǒgenlichē·
vn̄ ſp̋ch alſo·
waht̾ nv la din ſingē·
es iſt noch niend̾ tag·
min leit dc wil ſich ringē·
dc mir ſo nahe lag·
gvͤtú m̾e ich han v̾nomē·
dc ein ſpiegel aller miner wnne mir iſt komen·