Ich wolte gar vō froͤidē gan·
do troſte mich ein rot̾ mvnt·
er ſeite ich ſolte ī froͤidē ſtan·
er wolte machē mich geſvnt·
troͤſtet er daſ h̾ze min·
mit alſo froͤiderich̾ tat·
ahý wer wolte ich danne ſin·
Sich ſolte froͤwē wol min lib·
vn̄ ſolte min̾ erē pflegē·
gebe dc ein minneklicheſ wib
ſo wolt ich ſorgē mich bewegē·
ir mūt der iſt ſo ſtete gar·
ſit er dis geſpꝛochē hat
das er voꝛ ſoꝛgē mich bewar·
Ja richer got wie ſanfte es tůt·
den gruͤſſet wol ein lieblich wib·
dē wirt ſo froͤidērich der mv̊t·
dc h̾ze vn̄ ǒch der ſine lip·
hoh vf gen dē lúftē var·
ſin mv̊t der flúget alſo ho
alſā der edel adelar·