ICh wil ein warnen ſingen·
das lieb vō liebe bꝛingen·
nv mag die mâſſe kunnen han·
ſus rate ich dien ein ſcheiden·
d̾ ich nu huͤte beiden·
d̾ tag der wil ſo ſchiere vf gan·
des ich wunder ſoꝛgē han·
wie es vns noch irgange·
ir nahen vmbeuange·
die wellent ſi ſo kume lan·
IN gibe dem herzen nit die ſchulde·
ich weis ir vngedulde·
ſo wol ſi lat in kume varn·
d̾ h̾re ſol ſi lâſſen weinen·
d̾ nacht 374r iſt noch ſo kleinen·
er ſol es lang̾ nicht enſparn·
nu bin ich aller froͤiden arn·
ich vúrchte mir ſo ſere·
es ſtat vmb lib vnd ere·
in kan ir nicht biwarn·
Sin volgen danne minem rate·
vn̄ tůnt ſi das zeſpate·
owe ich bin mit in v̾loꝛn·
nu hoͤꝛent ſi doch wol min warnen·
mus ich ir min erarnen·
noch me dc iſt mir leit vn̄ zoꝛn·
owe das ich wart erkoꝛn·
das ich wart irwacht̾e·
noch wendent vnſir ſwere·
den tag man kúndet dur dú hoꝛn·