ICh wil· dc mā mir dur die gv̊tē ſi gehas·
dvr dc ſi mir
getrúwe ſi·
ſwie vil ich kvmb̾s hete des ich nie v̾gas·
vn̄ mehte ich ir
getwellē bi·
dc w̾e ein niht·
ob ſi mirs giht·
doch wag mir ie vil kleine dc·
ſwēne ich ſi ſach·
ſwc mir geſchach·
tet es mir eine wile we ſo wart mir ab̾ danne bas·
Owe· dc ich mich vō ir mīne ſcheidē ſol·
dú mich ſo gar
betwūgē hat·
wart e· min h̾ze an froͤidē alſe rehte vol·
dc iſt nv bar·
ſit es ſo ſtat·
dc mich ir grůs·
v̾midē mv̊s·
dē ich genigē dike han·
ich han dē mv̊t·
ſwc ſi mir tůt·
ſo ſteteklich an ſi v̾lan· dc ich ir niht entwenkē kan·
Wan ſol· vf gv̊t gedingē g̾ne kvmb̾ doln·
er iſt ſelig ſw̾
gedingē hat·
vil wol mag ſich ein ſelig man d̾· langē ſwē erholn·
vn̄ iſt dc ir
vnſtete lat·
vnſtet̾ mā·
nie lieb gewan·
da vō ein h̾ze wꝛde erfroͤit·
vnſteter mv̊t·
der iſt niht gv̊t·
wā dc er ſtete mīne ſtoͤꝛt· vn̄ ǒch an h̾zeliebe ſchat·