Ich mīne ſi nv lange zit·
v̾ſinnete mīne ſich·
wie sie ſchoͤne lone miner tage·
nv lone ſchone ſo iſt min ſtrit·
vil kleine meine mich·
niene meine kleine mine klage·
vn̄ rihte gros vnbilde·
dc ein ledic wib·
mich v̾derbet
gar ane ſchulde·
zir geſihte werde ich wilde·
mich enhabe ir lib
froͤide enterbet·
noch ger ich ir hvlde·
were mere ſteter man·
ſo ſolte wolte ſi mich lan·
etwenne denne ǒch ſehē·
ſo gnv̊ge fůge kvnnē ſpehen·