ICh merke ein wunder an dē glase dc niht vō h̾te mac·
gewern an ſiner ſtete einen ganzen tac·
dan iſt dú herte niht bewart·
wer es zemaſſe hert es ſtuͤnde vaſter·
dc ſelbe wunder ſiht man an den lútē wene ich ſame·
ſw̾ ane milte gv̊tes pfligt vn̄ da bi ane ſchame·
den wirfet ſi in vil ſwinder art·
in einen ſchaden vn̄ in ein ewic laſter·
deſ mānes ſterke w̾e gůt·
die er zerehten dingen lieſſe ſchinen·
ſo iſt aber meng̾ ſo gemv̊t·
dc er der geſte has beiaget vn̄ leidet ſich den ſinen·
ſol des ere lange wern dc mv̊s ein wunder weſen·
ich en gehoꝛte nie geſagē dc ie geſchehe noch en hans ǒch niht geleſen·