ICh lag den winter eine wol troste mich ein wib·
vure si mir mit froͤiden wolde kvnden die blv̊men vnd die svmerzit·
dc niden merkere· des min herze wunt·
es enheile mir ein frowe mit ir minne es en wirt niemer gesunt·
Nv heissent si mich miden· einen ritter ich enmag·
swenne ich dar an gedenke· dc ich so gvͤtlichen lag·
verholne an sinem arme· des tůt mir senide we·
von im ist ein als vnsenftes scheiden· des mag sich min herze wol entsten·