Ich klage dir edelú frowe here (Der von Buchein, mit aufgelösten Abbreviaturen)

ICh klage dir edelú frowe here·
dc ich froͤiden eine stan·
von dinen schulden dc verkere·
troͤste mich vil senden man·
ich lebe in senelicher not·
sit min ǒgen lachen sahen·
dinen lieben mvnt so rot·

ICh wande ich iemer solde lachen·
do ich dih frowe lachen sach·
min mv̊t begvnde an froͤiden swachen·
des min herze mir veriach·
es mvͤste eht ir gevangen sin·
an vrlob schiet es von mir balde
zv̊ dir libú frowe min·