Ich hate ze froͤiden minen mv̊t·
gepriset nv vil manigen tag·
vmb eine schoͤne frowen gůt·
das mich dc niht gehelfen mag·
dc klage ich vnd mv̊s mir dike tv̊n so we·
o we dc ich also selten mine schone frowen se·
Swa ritter vnd frowen sint·
al da mag eren vil geschehen·
iedoh ist dc vil gar ein wint·
da wider vnd ich min lieb mag sehen·
si lúhtet sam dú svnne vnd ist wandels vri·
vil selig si ir reiner lip vnd alles dc ir wone bi·