ICh bin mit reht̾ ſtete· einē gv̊ten ritt̾ vnd̾tan·
wie ſanfte es minē h̾zen tůt· ſwāne ich in vmbe vangē han·
der ſich mit mangen tvgendē gůt·
gemachet al der w̾lde lieb d̾ mag wol hohe tragē dē mv̊t·
Sine mvgē alle mir benemē· dē ich mir lan han er welt·
zereht̾ ſtete ī minē mv̊te· d̾ mich vil lange liebes went·
vn̄ legē ſi voꝛ leide tot·
ich wil im iem̾ weſen holt· ſi ſint betwūge ane not·