IA klage ich die ſum̾zit·
wint̾ git·
ſoꝛgē vil·
d̾ wil des nv nit lan·
er nimt vns ſo lichten ſchin·
voglin
ſuͤſſer ſchal·
vb̾ al· des můs zergan·
ich klage noch me·
man ſach frowen loſlich gan·
vf den plan·
des nu nit geſchicht· das tůt vns we·
FRowen wunne liebt ſich bas·
dāne alles dc
ieman ſicht·
des gicht· doch manig man·
ir zartlich gebaren·
tůt mānes můt·
froͤiden vol·
der wol kan wunne entſtan·
es tůt ǒch we·
dem den ſēde not geuat·
wan du lat
kume den man· des ſi ſwie es erge·
ER mag ſich erwêren nicht·
d̾ āſicht·
ein zart wib·
ſin lib dāne in not·
ob ſi ſchoͤn iſt· wol geſtalt·
manigualt·
wirt ſin ger·
ſwēne er ſicht ir munt rot·
ich weis bi mir
ſwa ich min frowen ie giſach·
ich dachte ach·
wan ſolte ich· noch mich kunden zů dir·