Hohvertig schalc· en mac niht lange rihsen bi gelúke·
wan er bescheidenlichen wil niht varen siner túke·
swer vf es gerúke· der si zerehter mâsse geil·
ist er ze vreuel vnd zedol er wirt vnfro gemachet·
den argen vnder ǒgen dc gelúke sv̊sse lachet·
dvr dc im geswachet· werd aller siner wunnen teil·
selden anegenge tvgent lôsem manne froͤide birt·
dem von erst gelúke wirt· vf die vlust gemeret·
dc er zeivngest werden kúnne gar von im verseret·
swer an dem ende wol gevert den hat vro selde geret·
so zestade keret· der marner· so lobe ich sin heil·