Herze du biſt ane ſin·
volgeſt dv dē ǒgē nach·
dv maht niht vol endē alles dc ſi wellent ſpehen·
enrůche wa ſi ſehē hin·
dar vmbe en ſi dir niht zegach·
tůſt dv des niht da vō mag dir wol groſſer ſchade beſchehen·
wes zihe aber ich dv́ ǒgē min est gar des h̾zē rât·
dú mir ǒgē h̾ze lib· ſo gar betwūgē hat·
vō d̾ mv̊s mich dvnken gv̊t ob ſi mich lebē lat·
Ich ſehe g̾ne ſvnd̾ wank·
dē ir vil mīneklichē ſchin·
ich woltes iemer g̾ner an dāne einen engel ſehē·
min liebe dú iſt gegen ir niht zekrank·
ich meine die liebē frowē min·
ie doch ſo mv̊s ich iem̾ groſſer ſchulde vō ir iehen·
ê ich ſi volle bitte ſo hat ſi mir gar v̾ſeit·
ich weis wol dc ein krankes h̾ze w̾e da von v̾zeit·
ê ab̾ ich dc tete ich litte ê iemer arebeit·