Herre wenne ſol ich ſi ſehē·
dú mir dē lip betwungē hat·
ine getars voꝛ gotte niht v̾iehen·
alſe kvmb̾lich vn̄ es mir ſtat·
Jch habtes g̾ne gv̊tē rat·
wie ich zer ſchonē ſolte komē·
dú mir die ſinne hat benomē·
ir mvnt iſt rot·
ine gerúwe ir an ir arme ſo bin ich tot·
Io froͤwe ich mich d̾ liebē zit·
dú vnſ da nahet zallē tagē·
die vogel ſingēt enwider ſtrit·
ſi hant v̾lazen gar ir klagē·
ich wil iv guͤtú m̾e ſagē·
ich hoꝛte die nahtegal wol ſingē·
mī h̾ze mv̊ſ nach froͤiden ringē·
ſi iſt ſo gv̊t·
Mīne dv maht mich bas betwingē· dāne iemā tůt·
Des dienſtes duhte mich vil kleinē·
dē ich d̾ ſchonē han getan·
vn̄ wolte ſis mit trúwē meinē·
ſo wêr ich ein ſelig man·
ſi mag mich wol zetode ſlan·
vn̄ doch da bi vil ſchone vf haldē·
min h̾ze mv̊s ī froͤidē aldē·
ſi iſt ſo gv̊t·
Mīne dv maht mich bc betwīgen·
dāne iemā tůt·